Sunday, August 10, 2008

Zindagi Hua Kya Hai Tujhe...

















zindagi hua kya hai tujhe...

kyun berang hoti jaa rahi hai tu...
kyun tujhe kabhi koi rang dikhta hi nahi...
ek baar ban titli phulon ko to dekh...
kyun tu indradhanush ko pana chahti hi nahi...

kyun dhundhti hai tu aasun...
kyun tujhe kabhi koi khushi dikhti hi nahi...
ek baar zara has ke to dekh...
kyun tu muskura kar gam bhulana chahti hi nahi...

kyun andhere me khona chahti hai tu...
kyun tujhe kabhi koi raah dikhti hi nahi...
ek baar chand se nazren mila ke to dekh...
kyun badlon me rahna tu chahti hi nahi...

kyun manzil dhundh rahi tu parchaiyon me...
kyun tujhe kabhi sitare dikhte hi nahi..
ek baar pankh laga aur udd ke to dekh...
kyun tu aasman ko chuna chahti hi nahi...

kyun sannate ki taraf bhag rahi hai tu...
kyun tujhe kabhi koi sargam chhooti hi nahi..
ek baar baarish me koi geet gunguna ke to dekh..
kyun tu koi dhun chedna chahti hi nahi....

Kyun bhaaag rahi tufaano se tu..
kyun kabhi tujhe koi himmat milti hi nahi...
zara ek baar ziddi lahron se takra ke to dekh...
kyun tu jeetne ki koshish karna chahti hi nahi...

kyun band hai ek pinjre me tu..
kyun tujhe koi asha dikhti hi nahi....
ek baar badha haath un kirno ko choo ke to dekh...
kyun tu is haal se nikalna chahti hi nahi..

zindagi hua kya hai tujhe..
ek baar khulke jeee ke to dekh..

5 comments:

Aditi said...

God.. it was awesome rupsie ...
Very beautiful and conveying

Very sad yet very motivating also

Tera mood ab kaisa hai .. theek thak na :)

Keep on posting and sorry for a delayed reponse

PS: Mere naam k aage "A" bhi laga de I am not DITI.. SAMJHA :(

Firefly said...

Awesome i dont have words to express what i am feeling right now..i just can say one thing...



I AM EXTREMLY SORRY...I AM SORRY!!!..

Aur kuch bolne ki halat hi nahi hai meri..


Sur

sweetsmile said...

shayad hamari zindagi ne jeene ki chaah hi chod di hai....
neways, nicely put up...

Firefly said...

awesome post...

Beautiful chosen words...

Excellently expressed emotions..

what else can i say...

Bravo!
keep up the good work..!!

Rajesh said...

too good....
i don't have words 2 express same
keep writing